Euskara: mugagabea

[Absentska]

Hau aurkitu dut irakurtzen nuen bitartean;
"Hori lortzeko modu bat bururatu zaio Josuri, jende arruntari, askotan aldizkari arrosen kontsumitzaile diren horiei, eulitzar horien presioa norainokoa den sentiaraztea"

Zergatik "kontzumitzaile" da mugagabea?? Ez litzakete hobeto izango "...askotan aldizkari arrosen kontzumitzaileak diren horiei..."?

Aldez aurretik eskerrik asko!!

 

[Zankarron]

"Diren" "kontsumitzaile" ostean datorrenez, kontsumitzaile mugagabe eran jartzen da. Ezin dizut arau zehatzik aipatu baina entzutez behintzat, mugagabea da modu egokia, zalantzarik gabe.


Ondo izan!

 

[jmnjmn]

6.1.8. Izenondoak atributu eta aditzondo: mugagabeak eta mugatuak
Izenondoa, atributu denean, mugagabean nahiz mugatuan joan
daiteke. Lotura-aditza zein den, joera bat edo beste nagusitzen da:
izan aditzarekin, mugatua; egon eta eduki aditzekin, bi joerak lehian
dabiltza; eta gainerakoekin (ibili, joan, sartu eta bihurtu, besteak beste)
mugagabea.
a) Lotura-aditza izan bada, atributua mugaturik ematen da
eskuarki; singularrean edo pluralean, subjektuarekin komunztadura
eginez. Nahitaezkoa da mugaturik ematea partizipioz osatua bada
(869. adibidea):
(868) a. Liburu hori garesti da. / Liburu horiek garesti dira. (tradizio batzuetan)
b. Liburu hori garestia da. / Liburu horiek garestiak dira. (gaur egun
nagusi)
(869) Liburu hori ongi idatzia da.
Jarduera adierazten duen izen bat bada atributua, mugagabean
ematen da. Bestela subjektutzat har litekeen kasuetan, bereziki argigarri
gertatzen da jokaera hori:
(870) a. Irakasle izan da ikastolan. (zer, atributu)
b. Irakaslea izan da ikastolan. (nor, subjektu)

Iturria: http://www.hezkuntza.ejgv.euskadi.n...djuntos/estilo_liburua/MORFOSINTAXIA_PDFa.pdf