Punjabi, Urdu: چیزا

Alfaaz

Senior Member
English
پس منظر: "چیزا (لیݨا)" اکثر پنجابی گفتار میں سنا جا سکتا ہے۔

سؤالات: براہ مہربانی، ارکان اس لفظ کے معانی و استعمالات پر رَوشنی ڈال سکتے ہیں؟ اس لفظ کی تاریخ کیا ہے یعنی کیا یہ ایک نَو ساختہ لفظ ہے یا پھر قدیم زبان میں بھی ملتا ہے؟ اس لفظ کا منبع/اشتقاق کیا ہے - کیا فارسی لفظ "مزہ" سے کوئی تعلّق ہے...؟ اس لفظ کا اُردو متبادل کیا ہو گا یا پنجابی میں بھی اس کے مترادفات کیا ہیں؟ (ویسے تو یہ لفظ نہ صرف پنجابی بلکہ دیگر زبانوں میں بھی اب مستعمل ملتا ہے، جیسے اکثر "سلینگ" کے معاملہ میں دیکھنے میں آتا ہے - چاہے کوئی بھی زبان ہو.)
 
  • Qureshpor

    Senior Member
    Panjabi, Urdu پنجابی، اردو
    جہاں تک مجھے علم ہے میں نے تو یہ لفظ پہلے کبھی نہ سنا ہے اور نہ پڑھا ہے۔ کیا آپ کوئی مثال دے سکتے ہیں؟​
     

    Alfaaz

    Senior Member
    English
    تحریری مثال:

    - کہیں آپ چیزا/چیزہ تو نہیں لے رہے یہ کہہ کر کہ آپ نے یہ لفظ پہلے کبھی نہیں سنا؟

    عکس متحرک یعنی وڈیو کی شکل میں مثال بذریعہ "پی ایم" پیش کی ہے۔

    مفصل تحقیق کا موقع تو نہیں ملا، لیکن ایک متعلقہ پوسٹ یہاں (۸۵#) موجود ہے۔
     

    Qureshpor

    Senior Member
    Panjabi, Urdu پنجابی، اردو
    معاف کیجئے گا الفاظ صاحب۔ میں آپ سے مذاق کرنے کی جرأت بھلا کیسے کر سکتا ہوں؟

    حقیقت یہی ہے کہ آپ کا مشاہدہ مجھ سے وسیع ہے اور شیخ رشید صاحب کا ذخیرۂ الفاظ وسیع تر۔ مجھے افسوس سے کہنا پڑتا ہے کہ میں اِس لفظ سے واقف نہیں ہوں۔​
     

    Alfaaz

    Senior Member
    English
    جوابات کے لیے شکریہ۔ (تنبیہ/نوٹ: مرسلہ وڈیو میں سیاست دان شیخ رشید صاحب نہیں بلکہ اداکار سہیل احمد صاحب قبل الذکر شخصیت کی نقل اتار رہے ہیں یعنی پیروڈی کر رہے ہیں۔)

    اگر دیگر ارکان اس لفظ سے واقف ہیں، تو براہ مہربانی اپنی آراء پیش کریں۔ ایک اور سوال اٹھتا ہے: مذاق کرنے، جیزا لینے، اور "مخول" کرنے میں (اگر کوئی ہے تو) کیا فرق ہے؟
     

    Qureshpor

    Senior Member
    Panjabi, Urdu پنجابی، اردو
    (تنبیہ/نوٹ: مرسلہ وڈیو میں سیاست دان شیخ رشید صاحب نہیں بلکہ اداکار سہیل احمد صاحب قبل الذکر شخصیت کی نقل اتار رہے ہیں یعنی پیروڈی کر رہے ہیں۔)
    اتنا تو میں بھی جانتا ہوں بھائی، کہ وڈیو میں شیخ رشید صاحب بنفسِ نفیس موجود نہیں تھے۔​
     
    Top